გუდაურის გათოვლიანება 2,3 მილიონი ევრო დაჯდება
მთის კურორტების განვითარების კომპანიამ გუდაურის გათოვლიანების მეორე ფაზისთვის სახელმწიფო შესყიდვა უტენდეროდ მოითხოვა. შესყიდვის ღირებულება 2,3 მილიონი ევროა.

პროექტს იტალიური კომპანია Techoalpin SPA განახორციელებს - ხელშეკრულება გაფორმებულია.

სისტემა მე-2 სათხილამურო გზაზე დამონტაჟდება და ექსპლუატაციაში 2019 წლის ზამთრის სეზონზე შევა.

გათოვლიანების პირველი ფაზა 2014 წელს დაიწყო.

გათოვლიანების მიზანია, საკურორტო სეზონის დაწყება-დასრულება აღარ იყოს დამოკიდებული ბუნებრივ პირობებზე.

Techoalpin SPA ბაზარზე 1990 წლიდანაა და გათოვლიანების სისტემა 50-ზე მეტ ქვეყანაში აქვს დამონტაჟებული.

ავტორი:
თარიღი: 2018/09/02