თბილისში საქართველო-ავსტრიის ტურიზმის ფორუმი გაიმართა
ღონისძიების ფარგლებში საქართველოში 12 ავსტრიული კომპანია ჩამოვიდა. კომპანიები ძირითადად ტურიზმის ინფრასტრუქტურისა და სამთო-სათხილამურო ტურიზმის სექტორებს წარმოადგენენ.

ფორუმის მთავარი ორგანიზატორები ავსტრიის სავაჭრო პალატა (WKO) და საქართველოს ეკონომიკისა და მდგრადი განვითარების სამინისტროს ,, მთის კურორტების განვითარების კომპანია" არიან.

როგორც ორგანიზატორები აცხადებენ, ავსტრიული კომპანიების საქართველოში ვიზიტის მთავარი მიზანი გამოცდილების გაზიარება და პოტენციური ბიზნეს-პარტნიორების მოძიებაა. შესაბამისად, გაიმართება ბიზნესის ორმხრივი შეხვედრები, სადაც ქართულ კომპანიებს, რომლებიც შესაბამის სფეროებში სპეციალიზდებიან, საშუალება ექნებათ მოლაპარაკებები აწარმოონ ინტერესის სფეროს შესაბამის ავსტრიულ კომპანიასთან და მათთან თანამშრომლობის პერსპექტივები განიხილონ.

თარიღი: 2018/11/30