ლოიალობის პროგრამის უპირატესობა მარკეტინგში
ლოიალურობის პროგრამა მასშტაბური საცალო ვაჭრობის ქსელებში ერთ-ერთ ყველაზე ეფექტურ მარკეტინგულ საშუალებად ითვლება. მისი გამოყენებით კლიენტების ხანგრძლივად შენარჩუნებას შეძლებთ. უფრო მეტიც, ერთიანი ლოიალურობის პროგრამის სხვა კომპანიებთან ერთად დანერგვის შემთხვევაში, თქვენ მათი მომხმარებლების მიზიდვასაც შეძლებთ.

ლოიალურობის პროგრამა მოიცავს უამრავ ფასდაკლებისა და სარეკლამო აქციებს, რომლებიც მხოლოდ რეგულარული მომხმარებლებისთვისაა ხელმისაწვდომი.

გთავაზობთ, ლოიალურობის გაზრდის ყველაზე გავრცელებულ მეთოდებს:

ფასდაკლების ბარათები

ერთი შეხედვით, დიდი სავაჭრო ქსელების მიერ ფასდაკლების ბარათების რეგულარული მომხმარებლებისთვის გადაცემა უცნაურია, რადგან ეს ხომ კომპანიისთვის დანაკარგია. თუმცა, ფაქტია, რომ ნებისმიერი პირი, მაღაზიის არჩევისას უპირატესობას სწორედ იმას ანიჭებს, სადაც ფასდაკლება აქვს. გარდა ამისა, ფასდაკლების ბარათების უმეტესობა, საკმაოდ დიდი ოდენობის პროდუქციის შეძენის შემდეგ აქტიურდება. ასე რომ, საბოლოო ჯამში, ყველა მოგებული რჩება.

გამოკითხვა

კლიენტს ფასდაკლების ბარათის მიღებისას, ან სხვა დროს აძლევენ კითხვარს, რომლის მიხედვითც იგებენ, თუ რომელ პროდუქტებს ყიდულობს იგი ყველაზე ხშირად. ამ კონკრეტულ პროდუქტებზე ფასდაკლების შემთხვევაში კი მომხმარებელს მისდის შეტყობინება.

შესყიდვები ანალიზი

შეიძლება ითქვას, რომ ეს მეთოდი კითხვარი თანამედროვე ვარიანტია. ის გამოგადგებათ ონლაინ მაღაზიებში, ან ისეთ მაღაზიებში, სადაც პირადი ფასდაკლების ბარათებს იყენებენ. ამ შემთხვევაში, კომპიუტერი თავად შეისწავლის, თუ რომელ პროდუქტებს ყიდულობს მომხმარებელი უმეტესად და, მათზე ფასდაკლების შემთხვევაში, ელ. ფოსტით გასაგზავნ პროდუქტების  სიას ქმნის. ეს მოსახერხებელია, როგორც მომხმარებლისთვის, ასევე გამიდველისთვისაც. თანამედროვე სავაჭრო ქსელებში ეს ტექნოლოგია  RFID-ის მიერაც გამოიყენება.

საჩუქრები

რეგულარული კლიენტისთვის გარკვეული რაოდენობის საქონლის შესყიდვის შემდეგ მადლიერების გამოსახატავად საჩუქარი ყველაზე კარგი ფორმაა. საპატიო კლიენტს სიმბოლურად დიპლომი, ან კომპანიის პროდუქციისთვის სასაჩუქრე სერთიფიკატიც კი შეგიძლიათ გადასცეთ. 

მომხმარებელთა ლოიალობის კოალიციის პროგრამა.

ლოიალობის პროგრამების გამოგონების შემდეგ, სხვადასხვა კომპანიები ფიქრობდნენ, რომ თუ ისინი გაერთიანდნენ, ისინი კიდევ უფრო მეტ მომხმარებელს მოიზიდავდნენ. აქ მთავარი ის იყო, რომ კოალიცია არა უშუალო კონკურენტებით, არამედ სხვადასხვა სფეროს კომპანიებით დაკომპლექტდებოდა. მაგალითად, სატრანსპორტო კომპანია და სასურსათო მაღაზია, IT კომპანია და ავეჯის მაღაზია და ა.შ. შედეგად თითოეული კოალიციის მონაწილე შეძლებდა ახალ მომხმარებელის მიიზიდვას სხვის დაუზარალებლად. სამწუხაროდ, ჩვენს ქვეყანაში კოალიციის ლოიალობის პროგრამები პრაქტიკულად  განვითარებული არ არის.  

ლოიალობის პროგრამას, მედლის მსგავსად ორი მხარე აქვს. ბევრი მას აკრიტიკებს და აცხადებს, რომ კომპანია ლოიალობის პროგრამის ამოქმედებისას გაცილებით მეტს კარგას ვიდრე იღებს... ეს განსაკუთრებით პატარა ქალაქების კომპანიებს ეხებათ. გარდა ამისა, მომხმარებელს შესაძლოა მოწყინდეს მრავალრიცხოვანი საფოსტო გზავნილები და მათ გასაუქმებლად უბრალოდ შეწყვიტოს იმ მაღაზიებში სიარული.

ასე რომ, მისი გამოყენებისას, კარგად გააანალიზეთ მისი დადებითი და უარყოფითი მხარეები და ეცადეთ, რომ მომხმარებელთა რაოდენობა გონივრულად, დიდი დანაკარგების გარეშე გაზარდოთ.

                                                                                                    

თარიღი: 2019/06/13